Bernt Marius frå Volda var berre 21 år gamal og hadde drive med speedriding i eit halvt år då han hamna i ei alvorleg ulykke. Han måtte amputere foten, og lære å gå på nytt. Likevel bestemte han seg for at han ikkje var ferdig med ekstremsport, og fortsette å fly ytterlegare eitt år etter ulykka. 

 

I føredraget vil han fortelje om ulykka, og vegen tilbake til aktivitet og kvardag. Korleis håndterer ein ei så stor livsomveltning, både fysisk og psykisk? Dette er eit av spørsmåla du får svar på under føredraget, samstundes som Bernt Marius ynskjer å drepe nokre myter om ekstremsport, og ikkje minst inspirere andre til å trene hardt for å nå måla og draumane sine.